Чакырская модельная библиотека

Бүгүн, кулун тутар 21 күнүгэр, Сырдык уонна хараҥа тэҥнэһэр,
Саха төрөөбүт, Сылгыһыттар күннэригэр аналлаах бэлиэ түгэн буолан ааста.
Күн оройугар, 12.00 ч., Албан Аат искибиэригэр, ХАҺААЙЫН буоларга ,киһи ис кыаҕын-күүһүн күүһүрдэр, ДЬӨҺӨГӨЙ АЙЫЫ сиэрин-туомун алгысчыт Григорьев Н.Н. ыытта.
Күнүс 15.00 ч., фольклор дьиэтигэр Ый сэһэнэ уонна Ситии хатыытыгар маастар- кылаастары 10 кылаас эйэҕэс эбээлэрэ Филиппова В.Н., Адамова.В.П. оскуола оҕолоругар ситии хатан, салама баайан бэлэх ууннулар.
Ону тэҥэ күнүс 3 чаастан оскуола, уһуйаан үлэһиттэрэ Кыайыы 80 сылынан «Чурапчы — Ильмень күөл» маршрутунан хаамыы эстафета — акцияҕа кытыннылар. Оскуола, уһуйаан коллективын 52 үлэһитигэр 223 км 600 м тигистэ. Үлэһиттэр кэлэн көхтөөх кыттыыны ыллылар.
Бу сааскы чаҕылхай күн бэрт сэргэх тэрээһиннэр буоллулар.