Чакырская модельная библиотека

Бүгүн. ыам ыйын 8 күнүгэр нэһилиэкпитигэр Улуу Кыайыы 80 — сылыгар аналлаах парад буолан ааста. Парад кыттыылаахтара Ыыстаахтан саҕалаан Кыайыы паамытынньыгар диэри парадтаан тиийдилэр. Кыргыһыы хонуутуттан эргиллибэтэх буойуттарга анаан сүгүрүйүү бэлиэтин – веногу 10 кылаас уолаттара Софронов Ариан, Попов Тима, 11 кылаас кыргыттара Михайлова Айсена, Маркова Олеся уурдулар.
Салгыы нэһилиэк баһылыга Лебедев К.И. тыыл бэтээрээнигэр, сэрии огдооботугар Викторова М.Н., сэрии оҕолоругар Карпов М.Л., Адамова М.М., Макарова А.Д., Андросов А.Н., байыаннай дьайыылар бэтэрээннэригэр Митин С.П., Павлов Е.В., Елисеев Г.Г, Алексеев Д.Д., анал байыаннай дьайыыга кытта сылдьар дьоммут дьиэ — кэргэттэригэр Данилова Т.А., Данилова В.Г., Афанасьева Э.П., Елисеева З.Н., Митина М.П., Сивцева В.В., Федосеева Р.С. эҕэрдэ суругун, сухой паек туттартаата, Чурапчы улууһун дьаһалтатын, депутаттарын ааттарыттан эҕэрдэ суругу, Чурапчы улууһун баһылыга Степан Анатольевич Саргыдаев аатыттан Улуу Кыайыы 80 сылынан үбүлүөйдээх бэлиэни улуус депутата Адамова Т.В. туттарда.

Оскуола орто сүһүөх оҕолоро, уһуйаан иитиллээччилэрэ «Буорах сыттаах хоһооннор» диэн буойун суруйааччылар хоһооннорун ааҕан иһитиннэрдилэр.
Дьон-сэргэ уйадыйан туран тыыннаахтар умнубат сылларыгар, олох, эйэ иһин турууласпыт аҕа көлүөнэбит хорсун быһыыларыгар сүгүрүйэн, сэрии ыар кэмин турууласпыт аҕа саастаах көлүөнэ хас биирдии дьонун ахтан-санаан ааста.