«Ыал саргыта» улуус пилотнай бырайыагын иһинэн ыытыллар «Аа5ар сайдам ыала» бастакы түһүмэҕэ «Дьиэ кэргэн — ийэ тыл биһигэ» — өй оонньуута.
Кэнники сылларга ийэ тылбыт эҥин эгэлгэтэ, кэрэтэ умнуллан, сүтэн симэлийэр туруктаах. Олохпут сайдар тэтимэ түргэн. Аныгы технология олохпутугар күүскэ киирдэ. Телефон, компьютер, интернет уо.д.а. олохпут “аргыстара” буоллулар. Төрөөбүт ийэ тылынан ааҕыы лаппа аҕыйаата.
Ол иһин «Ыал саргыта» улуус пилотнай бырайыагын иһинэн сыл устата ыытыллар «Аа5ар сайдам ыала» дьиэ кэргэнинэн ааҕыыны сайыннарыыга, өйөөһүҥҥэ, көҕүлээһиҥҥэ бибилэтиэкэлэр бу хайысхаҕа үлэлэрин күүһүрдүүгэ, кытыннарыыга ананан ыытыллар.
Чакыр нэһилиэгэр кулун тутар 5 күнүгэр «Ыал саргыта» улуус пилотнай бырайыагын чэрчитинэн «Ааҕар саха сайдам ыала» быйылгы сылга бастакы күрэх «Дьиэ кэргэн — ийэ тыл биһигэ» диэн өй оонньуута ыытылынна.
Күрэххэ уопсайа 3 дьиэ кэргэн кыттыыны ылла. Бары олус көхтөөхтүк оонньоотулар. Дьүүллүүр сүбэҕэ үлэлээтилэр: Алексеев Иван Николаевич, Павлова Анна Романовна уонна Кузьмина Майя Владимировна.
Тэрээһин түмүгүнэн бастакы миэстэни Кристина, Ирина Дмитриевна Юнчановалар ыллылар.
Иккис миэстэни Күөгэйэ, Виктория Павловна Егоровалар.
Үһүс миэстэни Нюрбина, Юлия Романовна Адамовалар.
Кыттыбыт дьиэ кэргэттэрбэр МАХТАЛ, куруук маннык көхтөөх буолуҥ.
Муус устар ыйга күрэх иккис түһүмэҕэр дьиэ кэргэн олимпиадата буолуоҕа. Балаҕан ыйыгар дьиэ кэргэҥҥэ аналлаах маастар кылаастар ыытыллыахтара. Алтынньыга дьиэ кэргэнинэн аудиозапись күрэҕэ былааннанар. Сэтинньигэ видеоролик күрэҕэ ыытыллыаҕа.
Онон күндү ааҕааччыларбыт! Ийэ тылбытынан ааҕан, төрөөбүт тылбыт баайын, кэрэтин, эгэлгэтин төгүрүк сылы быһа эппитигэр — хааммытыгар иҥэриэхпит, тылбыт саппааһын хаҥатыахпыт, элбэҕи билиэхпит — көрүөхпүт. Ылсыбыккытын ыһыктыбакка 12 ый бииргэ буолуоҕуҥ!
