2025 сыл — Саха сиригэр Аҕа дойду көмүскэлин сылынан биллэрилиннэ
2025 сылга Улуу Кыайыы 80 сыла бэлиэтэнэр. Маныаха, республикаҕа Аҕа дойду көмүскэлин сылынан биллэрилиннэ. Бу туһунан Ил Дархан Айсен Николаев государственнай мунньахха (Ил Түмэн) туһаайыытыгар иһитиннэрдэ.
«Биһиги республикабытыгар сэрии толоонугар геройдуу көмүскээбит Аҕа дойду улуу сэриитин тоҕус кыттыылаахтара олороллор. Манна, бу саалаҕа, анал байыаннай дьайыы кыттыылаахтара — Арассыыйа Дьоруойдара, «Эр санааланыы» уордьан кавалердара, «Хорсунун иһин» уонна «Бойобуой үтүөлэрин иһин» мэтээллэр кавалердара бааллар. Маны тэҥэ, биһиги эдэр кадеттарбыт кэлэн олороллор. Кинилэр дьоруойдуу быһыылара, Аҕа дойду көмүскэлигэр турунуулара көлүөнэттэн көлүөнэҕэ бэриллэр хорсун быһыы. Бу дириҥ сибээһи өссө күүһүрдэр туһугар, дьиҥнээх патриотизм сыаннастара өссө улахан суолталаммытынан, мин Саха Республикатыгар 2025 сыл Аҕа дойдуну көмүскүүр сылынан биллэрэбин», — диэтэ Айсен Николаев.