Алын сүһүөх оҕолор утренниктара
Бүгүн ахсынньы 27 күнүгэр алын сүһүөх оҕолор утренниктара буолла.
Алын сүһүөххэ барыта 25 оҕо үөрэнэр. Оҕолор 100% ситиһэллэр. Сыл түмүгүнэн үөрэх хаачыстыбата 78% , ол иһигэр 5 туйгун үөрэнээччи, 12 үчүгэй үөрэнээччи буолла. Оскуола директора туйгун, үчүгэй үөрэнээччилэргэ грамоталары, бэлэхтэри туттартаата.
Ол кэнниттэн оҕолор «Саҥа дьыллааҕы остуоруйанан айан» диэн представление туруордулар. Дьэ, маскараат арааһа манна баар эбит. Төрөппүттэр оҕолорун туһугар сүрдээҕин кыһаллаллара көһүннэ. Сценаҕа араас тыа , муора, Африка кыыллара тахсан ыллаан- туойан, үҥкүүлээн таҕыстылар, Түмүккэ Тымныы кыһын оҕонньор, Хаарчааналыын, Саҥа дьыл оҕотунаан, быйылгы дьыл бэлиэтин Күөх моҕойу кытта киирэн, оҕолору эҕэрдэлээн, саҥа дьыллааҕы бэлэхтэри туттартаата.
Эбиэттэн киэһэ бэрт сэргэх Саҥа дьыллааҕы алыптаах концерт буолла. Бу концерка төрөппүттэр, чуолаан аҕалар, күүскэ кыттыбыттара бэрт сонун, кэрэхсэбиллээх буолла.
