Тымныы оҕонньор бирииһигэр күрэхтэһиилэр.
Ахсынньы 26 күнүгэр оскуола оҕолоругар саахымакка күрэхтэһии буолан ааста. Барыта 11 оҕо кыттыыны ылла. Эрийсиилэх күрэх кэнниттэн кыайыылаахтар маннык буоллулар.
3-4 кылаастарга кыайыылаах 4 кылаас үөрэнээччитэ Оконешников Саян, 2-3 миэстэни 4 кылаастар Юнчанова Кристина, Сохсойоон Нарыйа аҥаардастылар. Биһирэбил бириистэри Афанасьева Сайнаара (3 кылаас), Маркова Валерия (3 кылаас), Егорова Күөгэйэ (4 кылаас) Еремеев Спиридон (4 кылаас) ыллылар.
5-7 кылаастарга кыайыылааҕынан 6 кылаас үөрэнээччитэ Алексеев Эрсан таҕыста. 2 миэстэ 5 кылаас үөрэнээччитэ Митина Женя, 3 миэстэ — 6 кылаас үөрэнээччитэ Адамова Эва буоллулар. Ахсынньы 28 чыыһылатыгар Оҕо саас сылын чэрчитинэн Афанасий Васильевич Ширяев дьарыктыыр оҕолорун икки ардыларыгар хаамыска, хабылык күрэҕэ буолла. Бу күрэҕи бэйэбит оҕобут хаамыскаҕа, хабылыкка Саха республикатын маастара Кэскил Михайлов кылаабынай судьуйалаата. Тыҥааһыннаах киирсиигэ 1 миэстэни Дарина Софронова ылан Кэскил Михайлов туруорбут бирииһин кытта мэтээлинэн наҕараадаланна. Иккис миэстэни 5 кылаас үөрэнээччитэ Женя Митина ылан Парасковья Васильевна Оконешникова туруорбут бирииһинэн уонна мэтээлинэн наҕараадаланна. Үһүс миэстэни 4 кылаас үөрэнээччитэ Саян Оконешников ылла уонна Афанасий Васильевич Ширяев бирииһинэн уонна мэтээлинэн наҕарадалынна. Уонна 4 кылаас үөрэнээччитэ Кристина Юнчанова, 7 кылаас үөрэнээччитэ Эва Адамова уонна 5 кылаас үөрэнээччитэ Алиса Филиппова сыаналаах бириистэринэн наҕараадаланан үөрэн — көтөн тарҕастылар.
