Чакырская модельная библиотека

Олунньу 13 күнүгэр — төрөөбүт тыл, сурук — бичик күнэ. Ол чэрчитинэн сыл аайы оскуолаҕа, нэһилиэккэ араас тэрээһиннэр ыытыллаллар. Ол курдук олунньу 13 күнүгэр «Иитиллэр Ийэ тылбыт» диэн дьоро киэһэ буолан ааста. Бу тэрээһиҥҥэ «Хоһоон хоммут хонуута» олохтоох ааптардар айымньыларын кытта билсистибит, «Саха тыла уонна Эрилик» бөлөҕүнэн тыл оонньута ыытылынна. Олохтоох ааптардар Элэгэнтэй Адаамап, Арыллаана хоһооннорун 3,4 кылаас оҕолоро, Егоров Илья, Екатерина Слепцова дорҕоонноохтук аахтылар. «Саха тыла уонна Эрилик» оонньууга 6 хамаанда кытынна: дьаһалта, оскуола оҕолоро, эдэр учууталлар, орто саастаах учууталлар, уһуйаан иитээччилэрэ, аҕам саастаах дьон. Оонньуу сүрдээх мөккүөрдээх, тыҥааһыннаах буолла. Түмүгэр дьаһалта хамаандата кыайыылаах таҕыста, иккис миэстэ орто саастаах учууталлар, үһүс миэстэ аҕам саастаах дьон буоллулар. Олунньу 14- 17 күннэригэр Аан дойдутааҕы кинигэ бэлэхтээһинин акцията ыытылынна. Бу акцияҕа оскуола оҕолоро, нэһилиэк дьоно көхтөөхтүк кытыннылар. Оскуола омук тылын учуутала Алексеева Милана Васильевна дьиэ — кэргэнэ 42 кинигэ, 27 сурунаал библиотекаҕа бэлэх биэрдэ. Оскуола оҕолоруттан, олохтоохтортон 31 кинигэ бэлэхтэннэ.

Олунньу 15 күнүгэр «Сахалыы дьыктаан» республикатааҕы акция буолла. Бу дьаһалга 16 киһи, ол иһигэр 7 ыччат, 9 улахан киһи кыттыыны ыллылар. Түмүк