«Ытык киһибит Эриликпит» декада түмүктэннэ
Чакыр нэһилиэгэр 2025 сыл «Үйэтитии» сыла биллэриллибитэ. Ол чэрчитинэн тохсунньу 24 күнүттэн олунньу 1 күнүгэр дылы С.С. Яковлев _Эрилик Эристиин 133 сылыгар аналлаах декада ыытылынна.
Декада иһинэн ыытыллыбыт тэрээһиннэр:
— 24.01.25 — декада аһыллыыта. Бу күн «Албан аат» скверыгар Эрилик памятнигар сүгүрүйүү, «Ытык киһибит Эриликпит» сэһэнин иһиттибит. Киэһэ оскуола оҕолоругар Ааҕааччы түүнэ «Айар тыл аартыгынан» квест оонньуу бэрт сэргэхтик буолан ааста. Бу оонньууга оҕолор Эрилик Эристиин олоҕун, айымньыларын, айымньылар геройдарын, персонажтарын билэллэрин көрдөрдүлэр.
Декада иһинэн оҕолорго » Эрилик айымньыларын тыыннаах хартыыналара» уруһуй ,Эрилик айымньытыттан дьыктаан, Эрилик айымньытын дорҕоонноохтук ааҕыы, дьиэ кэргэн икки ардыларыгар хабылык, хаамыска күрэхтэрэ ыытылыннылар.
-30.01.25 — «Эрилик ааҕыылара» научно — практическай конференция «Эрилик Эристиин олоҕун, айар үлэтин чинчийии, үөрэтии», «История, кыраайы үөрэтии», «Эрилик айымньыларынан уус — уран ааҕыы» уонна төрөппүттэргэ «Уһуйуу — саха иитэр — үөрэтэр ньымата» диэн 4 секциянан үлэлээтэ. Барыта 28 оҕо уонна төрөппүттэр кыттыыны ыллылар.
01.02.25 — Декада сабыллыытыгар Дьокуускайтан Эрилик Эристиин ииппит кыыһа Тамара Семеновна Яковлева бастакы оҕото Илларионова Венера Егоровна уонна Тамара Семеновна иккис кэргэниттэн кыыһа географическай билим доктора, доцент, ХИФУ старшай научнай сотруднига Людмила Агафьевна Пестрякова уонна кини кэргэнэ Пестряков И. , сиэннэрэ Маргарита. Чурапчыттан нэһилиэк урукку баһылыга Кириллин А.М., улуустааҕы ветераннар сэбиэттэрин председателэ Матвеева М.Н., улуустааҕы дьиэ — кэргэн специалиһа Бушкова Т.П. Ыалдьыттары кытта төгүрүк остуолга нэһилиэк олоҕун, инники былааннарын тула кэпсэтии буолла.
Киэһэ өттүгэр декада түмүктэрин таһаарыы, наҕараадалааһын буолла. Ол кэнниттэн нэһилиэк олохтоохторун күүһүнэн туруоруллубут С.С. Яковлев — Эрилик Эристиин «Кэриэс туолуута » сэһэнинэн спектакль олохтоохтору сэргэхситтэ. Сценарийы суруйан режиссердаата оскуола учуутала Филиппова Анджелика Владимировна. Сүрүн оруолларга оонньоотулар Лебедев К.И., Егоров И.И., Иванов Р.Р., Миронов К.К., Еремеев К.К., Миронова Л.И., Кузьмина А.Т., Николаева А.К. Олоҥхоһут Хопто Мэхээлискэ оруолун Григорьев Н.Н. толордо.
