Улуу Кыайыы 79 сылыгар аналлаах тэрээһиннэр
Улуу Кыайыы 79 сылыгар аналлаах нэһилиэккэ араас тэрээһиннэр ыытылыннылар. Ол курдук Аҕа дойду сэриитигэр кыттыбыт, үлэ фронугар сылдьыбыт кыайыыны уһансыбыт дьоммутугар аналлаах «Стена Памяти», «Окна Победы», «Флаги Победы» акциялар ыытылыннылар. Бу акцияларга оскуола оҕолоро, олохтоохтор көхтөөхтүк кытыннылар. Тоһоҕолоон эттэххэ, нэһилиэкпит олохтооҕо Трофимова Ульяна Константиновна сыл аайы сылайбакка түннүктэрин, олбуорун киэргэтэрин хайҕыахха эрэ сөп. Начальнай кылаастартан 4 кылаас коллектива сыл аайы бу акцияҕа көхтөөхтүк кыттар.
Улуу Кыайыыга аналлаах тэрээһиннэртэн саамай долгутуулаах түгэнинэн «Саллаат ырыанньыга» диэн сэрии толоонугар хаалбыт биир дойдулаахпыт Еремеев Константин Егорович -II 1942 сыллаахха Чурапчытааҕы педагогическай училищеҕа үөрэнэ сылдьан доҕотторугар суруттаран хаалбыт ырыанньыгын репертуарыттан оҕолорго ырыа күрэҕэ ыытыллыбыта буолла. Күрэххэ 1-11 кылаас оҕолоро кыттан, араас урукку ырыалары үөрэтэн ыллаабыттара көрөөччүлэрэ үөртэ, долгутта.
Киэһэ «Рядовой Чээрин» диэн Т.Сметанин айымньытынан киинэ, онтон «Свеча Памяти» акция ыытылынна.
