Чакырская модельная библиотека

Ыам ыйын 27 күнүгэр Бүтүн Россиятааҕы библиотекардар идэлээх күннэрэ бэлиэтэнэр. Бу күн чэрчитинэн Саха Республикатын национальнай библиотеката #Сила Книги — VI -с сетевой республиканскай акция ыытта. Быйылгы дьылга бу акция Оҕо саас сылыгар ананна.
Ол курдук биһиги библиотекабытыгар ити тэрээһин эмиэ ыытылынна. Варвара Федосеевна Иванова салайааччылаах 4 кылаас оҕолоро кэлэн бу акцияҕа кытыннылар. Оҕолорго быйыл 95 сылын бэлиэтээбит Корней Чуковскай «Доктор Айболит» айымньыта ааҕылынна. Бу айымньыны 6 кылаас үчүгэй үөрэнээччитэ Неустроева Күннэй бэрт сэргэхтик, оҕолорго тиэрдэр гына ааҕан иһитиннэрдэ. Оҕолор сэргээн иһиттилэр, ыйытыктарга эппиэттэстилэр, айымньы туһунан санааларын эттилэр. Тэрээһин бүтэһигэр оҕолорго кыттааччы сертификата, Күннэйгэ ааҕааччы сертификата туттарылынна.