Аҕа дойду дьоруойдарын күнэ
Бүгүн ахсынньы 9 күнүгэр Арассыыйаҕа Аҕа дойду дьоруойдарын күнэ.
1769 с. кэминээҕи бу суолталаах күҥҥэ Екатерина II ыраахтааҕы Сибэтиэй Георгий уордьанын туттарбыт күнүгэр сөп түбэһиннэрэн, 2007 сыллаахха “Арассыыйаҕа Албан аат уонна бэлиэ күн туһунан” Федеральнай сокуонунан Ахсынньы 9 күнэ – Арассыыйаҕа Аҕа дойду Дьоруойдарын күнүнэн биллэриллибитэ.
ССРС кэмигэр Сэбиэскэй Сойуус Дьоруойа, Социалистическай Үлэ Дьоруойа, 3 степеннээх Албан Аат Уордьана, 1992 сылтан Российскай Федерация Геройа судаарыстыбаннай наҕараадалар олохтоммуттара.
Арассыыйа судаарыстыбата тэриллиэҕиттэн билиҥҥи кэмҥэ диэри биһиги дойдубут героическай историята киэҥ. Арассыыйа норуота ханнык да өстөөххө бэриммэккэ дойдубут көҥүлүн иһин хорсуннук турунан Аҕа дойдутун көмүскээбитэ. Кинилэр олохторо кэнчээри ыччапытыгар Дойдуга бэриниилээх буолуу, Ийэ дойдуга таптал холобурунан буолаллар.
Бу күн Арассыыйа, Сэбиэскэй Сойуус Дьоруойдарын, Сибэтиэй Георгий Уордьан уонна Албан Аат Уордьанын кавалердарын чиэстииллэр.
Бу бэлиэ күҥҥэ сөп түбэһиннэрэн, эдэр көлүөнэ ыччакка билиһиннэрэр сыалтан, Арассыыйаҕа Аҕа дойду геройдарын күнүгэр аналлаах Чакырдааҕы модельнай библиотекаҕа 8 уонна 10 кылаас оҕолоругар «Эйгэ» киноклуб иһинэн библиотечнай уруоктар ыытылыннылар. Олохтоох библиотека сэбиэдиссэйэ Михайлова С.Р., оскуола директорын иитэр үлэҕэ солбуйааччыта Матвеева М.А. бу күн суолтатын билиһиннэрдилэр. Салгыы оҕолорго «Якуты в тайге — охотники, на войне — снайперы» диэн документальнай киинэ, «Анал байыаннай дьайыы уонна чугас дьоммут» диэн презентация көрдөрүлүннэ. Түмүккэ оҕолору кытта санаа атастаһыыта буолла.
