Чакырга Дьоруой паартатын туруордулар
Ахсынньы 10 күнүгэр биһиги нэһилиэктэн анал байыаннай дьайыыга сылдьан, олоҕун былдьаппыт Филипп Афанасьев сырдык аатыгар сүгүрүйэр тэрээһин буолла. Сэтинньи ыйга кини туһунан стендэ ыйаммыта. Бүгүн Филипп Афанасьев аатынан Дьоруой паартата туруорулунна. Бу долгутуулаах тэрээһиҥҥэ кэргэнэ Афанасьева Э.П., оҕолоро Айна, Мирослав, ону таһынан анал байыаннай дьайыыга кыттыыны ыла сылдьар Данилов К.К. ийэтэ Данилова Т.А., Данилов А.А. ийэтэ Данилова В.Г., учууталлар, оскуола оҕолоро кыттыыны ыллылар.
Филипп Афанасьев Чакыр орто оскуолатын 1992 с. бүтэрбитэ, 5 оҕо амарах аҕата. 2023 сыл күһүнүгэр контрагынан анал байыаннай дьайыыга барбыта. «Дойду» диэн позывнойунан Луганскай, Донецкай республикаларга стрелогунан сылдьыбыта. 2024 сыл, балаҕан ыйын 23 күнүгэр ыараханнык бааһыран госпитальга сырдык тыына быстыбыта. Хорсун быһыытын иһин «За мужество» орденынан наҕараадаламмыта.
Ийэ дойдуну көмүскүүр өйү-санааны өрө тутан, дьоруойдуу охтубут Филипп Афанасьев сырдык аатын өйдүү-саныы, киэн тутта ааттыы сылдьарга оскуола кэскилэ тылын биэрдэ, эрэннэрдэ.
