Чакырская модельная библиотека

Бүгүн, тохсунньу 17 күнүгэр, күнүс 11 чаастан, Р.А.Филиппов аатынан Фольклор дьиэтигэр «Чурапчы улууһа» муниципальнай оройуон баһылыга С.А. Саргыдаев 2024 сыллаах үлэтин отчуота буолан ааста. Бу группаны улуус баһылыгын социальнай боппуруостарга солбуйааччыта Кронникова Мария Филипповна салайан илдьэ кэллэ. Ону таһынан улуустааҕы депутаттар Сэбиэттэрин председателэ Оконешников Я.П., 3. Дьячковский Афанасий Николаевич – улуус баһылыгын архитектураҕа уонна территория сайдыытыгар солбуйааччыта, Неустроева Анжелика Петровна – улуус баһылыгын тыа хаһаайстыбатын боппуруостарыгар солбуйааччыта,
Сухаринов Егор Евсеевич – улуус финансовай управлениетын салайааччытын солбуйааччыта,
Моисеева Алена Борисовна – улуустааҕы үөрэх управлениетын начальнигын солбуйааччыта,
Александров Георгий Степанович – ГУП ЖКХ Чурапчытааҕы филиалын директора, Барашков Владислав Филиппович – Чурапчытааҕы РЭС начальнига, Макаров Леонид Степанович – олохтоох инициативалары сайыннарар агенство директора, Сивцев Юрий Петрович – КУМИ председателин солбуйааччыта, Дорофеева Сардаана Михайловна – Чурапчытааҕы социальнай харалта управлениетын сүрүннүүр специалиһа, Смирников Максим Викторович- Чурапчытааҕы культура управлениетын салайааччытын солбуйааччыта уо.д.а кыттыыны ыллылар.

Мунньах саҕаланыытыгар үбүлүөйдээх дьоннорбутугар Саввинова Р.Д., Адамова А.К. улуус баһылыгын Махтал суруктара туттарылыннылар.
Улуус баһылыгын отчуотун кэнниттэн, олохтоохтор ыалдьар боппуруостарыгар сөптөөх, толору эппиэттэр бэрилиннилэр. Ол курдук оскуола тутуутун боппуруоһа, үүт сыаната, чааһынайдарга ынах төбөтүгэр бэриллэр 39 тыһ. , уо.д.а боппуруостар таарыйылыннылар.
Улуус баһылыгын үлэтин сөптөөҕүнэн сыаналанна.