«Таптыыр сахам тылынан» өрөспүүбүлүкэтээҕи дьыктаан.
Төрөөбүт тыл уонна сурук-бичик күнүгэр аналлаах, «Таптыыр сахам тылынан…» СӨ Национальнай бибилэтиэкэтин «Оҕо арыллар, ааҕар киинэ» тэрийэн ыытар аахсыйатыгар олунньу 10-12 күнүгэр С.С. Яковлев-Эрилик Эристиин аатынан Чакыр орто оскуолатын алын уонна орто сүһүөх үөрэнээччилэрэ үс бөлөҕүнэн арахсан: 3-4, 5-6, 7-8 кылаастар кытыннылар. Барыта холбоон 31 оҕо дьыктааны суруйда.
Дьыктаан сыала – өрөспүүбүлүкэ үөрэнээччилэрин төрөөбүт тылынан суруктара-бичиктэрэ уус-уран, литэрэтиирэ нуорматыгар эппиэттиир, тупсаҕай буоларыгар үлэлэһии.
Соруктара:
— үөрэнээччини саха литэрэтиирэтигэр, төрөөбүт тылга уһуйуу;
— төрөөбүт тылынан сөпкө саҥарар-суруйар таһымын үрдэтии, сатабылын иҥэрии;
— төрөөбүт тыл култууратын үрдэтии;
— санааны толору арыйа үөрэнии.
Хайа да омук төрөөбүт тылын билэр, таптыыр, сыаналыыр кэнчээри ыччаттаах буоллаҕына тыыннаах буолар, салгыы сайдар кыахтанар. Тыл-бүтүн норуот национальнай баайа, кэлэр кэскилэ!
Оҕолорбутугар ситиһиилээх үөрэҕи, төрөөбүт -төрүт тылбытын – сахабыт тылын умсугуйан үөрэтиҥ, киэн туттуҥ, сыаналааҥ.
