«Айхаллан Чурапчы» бэстибээл ситиһиилээхтик түмүктэннэ
«Айхаллан Чурапчы» уус — уран самодеятельноһы көрүү бэстибээл быйыл И.Г. Тимофеев — Теплоухов «Куруубай хааннаах Кулун Куллурустуур» олоҥхотугар олоҕуран туруорулунна. Нэһилиэкпит олохтоохторо бүттүүнэ көхтөөхтүк кытынна, күүс — көмө буолла. Ол түмүгэр кыра нэһилиэктэргэ биһиги нэһилиэк үһүс миэстэни ылары ситистэ. Бу улахан ситиһиибит бүтүн нэһилиэк кыайыыта буолар. Сөрүө оҥоһуутугар сылгылаах дьон сиэл, кутурук спонсордаан, нэһилиэк кэрэ аҥардара, ол иһигэр аҕам саастаахтарбыт Сергеева Александра Ивановна, Данилова Татьяна Андреевна уонча күнү быһа тура үлэлэһэн, сыралаһан бэртээхэй сөрүөнү хаттылар. Ити быыстапканы оскуола коллектива олус тупсаҕайдык фоннаан, уотун — күөһүн, музыкатын толкуйдаан туруордулар. Бэстибээ үрдүк таһымнаахтык түмүктэннэ. Бары кыттыбыт дьоҥҥо нэһилиэк баһылыга Лебедев К.И. барҕа махтал тылларын эттэ, инникитин да түмсүүлээх буоларга ыҥырда.
