Чакырга «Библионочь — 2026» сэргэх тэрээһин ыытылынна
Муус устар 18 күнүгэр. Чакыр нэһилиэгин олохтоох библиотекатыгар бүтүн Арассыыйа үрдүнэн бэлиэтэнэр «Библионочь» аахсыйа 15 төгүлүн «Арассыыйа күүһэ — норуоттар сомоҕолоһууларыгар» диэн девиһинэн ыытылынна. Ол курдук бу күн түөлбэлэринэн квест-оонньуу, үҥкүүнэн флешмоб, оһуохай бэрт сэргэхтик буолан ааста. Өссө биир интэриэһинэй оҕуруонан түөскэ иилиллэр киэргэл «Георгиевскай лента» оҥоруутугар маастар кылааһы Павлова Анна Романовна ыытта, атын норуоттар астарынан хорчуопка тэрилиннэ. Түмүгэр кыайыылаахтар минньигэс бирииһинэн, дипломунан наҕараадаланнылар. Ити курдук сылын аайы ыытыллар «Библионочь-2026» аахсыйаҕа элбэх киһи кыттан, олус сэргэхтик ааста.
