Эрилик декадатын аһыллыыта
Тохсунньу 24 күнүгэр нэһилиэккэ С.С.Яковлев — Эрилик Эристтин төрөөбүтэ 132 сылыгар аналлаах үөрүүлээх тэрээһин ыытылынна. Ол чэрчитинэн суруйааччы олоҕун, айар үлэтин билиһиннэрэн видеопрезентация көрдөрүлүннэ, тыл этилиннэ.
Тэрээһиҥҥэ «Кылыһах» фольклорнай ансаамбыл суруйааччы «Айыы дьөһүөл» олоҥхотуттан быһа тардан толордо.
Киэһэтин оҕолорго оскуолаҕа » Аааҕааччы түүнэ» ыытылынна. 5-11 кылаас үөрэнээччилэрэ Эрилик айымньыларын төһө билэллэригэр квест оонньууга кытыннылар. Оонньуу түмүгүнэн кыайыылаахтар ааттаннылар, бириистэринэн наҕараадаланнылар.
