Эрилик Эристиин «Кэриэс туолуута» сэһэнинэн ааҕааччы кэмпириэнсийэтэ
Кулун тутар 14 күнүгэр С.С.Яковлев — Эрилик Эристиин «Кэриэс туолуута» сэһэнинэн ааҕааччы кэмпириэнсийэтэ ыытылынна. Эрилик бу сэһэнигэр Чакыр нэһилиэгин олоҕун көрдөрбүт диэххэ сөп. Ол курдук дьиҥнээх олоххо буолбут событиелар, алаастар ааттара, олорон ааспыт дьон кэпсэнэллэр. Онон бу сэһэни олохтоохтор чугастык ылынан, урут аахпыттар төхтүрүйэн ааҕан, эдэр өттө саҥа ааҕан бу кэмпириэнсийэ сэргэхтик ааста. Кэмпириэнсийэҕэ Саха Республикатын туйгуна, кыраайы үөрэтээччи Мария Егоровна Филиппова кэлэн кыттыыны ылла. Кэлбит дьон сэһэни ырытыынан эрэ муҥурдаммакка нэһилиэк инники сайдыытын, эдэр көлүөнэни иитии — үөрэтии туһунан, Эрилик кыра быраатын Гаврил Степанович Яковлев — Кыра Хабырыыс сиэнэ Иоган Егорович Максимов «Кут Дабаан» бырайыага олоххо киириитин туһунан кэпсэтиһэн тарҕастылар.
Иоган Егорович кулун тутар 28 күнүгэр Новосибирскай куораттан Чакыр нэһилиэгэр кэлэрин күүтэбит. Эрилик сыдьааннарын ситимэ быстыбакка салҕанан бара турдун.
