«Мин кэриэһим күүскэ туолар»- диэҕэ этэ Эрилик
Кулун тутар 14 күнэ Чакыр нэһилиэгэр дьоро күн ааста. Ол курдук саҥа модульнай гаас хочуолунай үлэҕэ киирдэ. Маннык хочуолунай кыра бөһүөлэктэргэ Чакыр нэһилиэгэр бастакы буолар. Күлүүс туттарыллан, лиэнтэ быһыллыбытын кэнниттэн олохтоохтор хочуолунай иһин көрөн — истэн, сөҕөн — махтайан экскурсиялаан таҕыстылар. Гаас ситимэ биһиги нэһилиэккэ киирэн дьон — сэргэ олоҕо лаппа тубуста. Оһох оттуу, мас мастааһына диэн умнулунна. Дьиэ — уот тупсарыллан, бөһүөлэк да тас көстүүтэ тупсан иһэрэ киһини үөрдэр. Бу гаас ситимэ кэлиитигэр олохтоохтор Саха сирин промышленноһын министрын собуйааччытыгар Кириллин Михаил Афанасьевичка уонна 15 сыл эҥкилэ суох баһылыгынан үлэлээбит Адамова Татьяна Васильевнаҕа махталлара муҥура суох. Бу дьон туруулаһан, киирэн — тахсан нэһилиэк сайдыытыгар биир улахан кылааты киллэрбиттэрэ .
Нэһилиэк сайдан, олох тупсан иһэр. Оскуолабыт тутуллан олоххо киирдэҕинэ, эһээбит Эрилик кэриэһэ күүскэ туолуо этэ. Инникигэ эрэллээхтик хардыылаан иһиэҕиҥ.
