«Саҥа киһи: Кэм уонна үгэстэр» форум
Кулун тутар 28 күнүгэр нэһилиэкпитигэр «Саҥа киһи: Кэм уонна үгэстэр» форум тэрилиннэ. Кэпсэтии атомнай промышленность уонна өҥнөөх металлургия бэтэрээнэ, техническай наука кандидата, СР айылҕа харыстабылын туйгуна, С,А. Новгородов аатынан премия лауреата, Чурапчы улууһун бочуоттаах олохтооҕо, Г.С.Яковлев — Кыра Хабырыыс сиэнэ Иоган Егорович Максимов экодухуобунай «Кут Дабаан» тускулун тула барда.
Бу форумҥа кыттыыны ыллылар:
1. Максимов И.Е. — «Кут Дабаан» тускулун төрүттээччи
2. Аргунова Любовь Семеновна — «Ыал барҕата» тускулун түстээччи
3. Жиркова Татьяна Ильинична — А.Г. уонна Н.К.Чиряевтар ааттарынан ЯГНГ этнопедагога
4. Холмогорова Анна Андреевна — «Урдаах» алаас култууратын сайыннарар чөл хаалларар общественнай тэрилтэ салайааччыта
5. Филиппова Мария Егоровна — кыраайы үөрэтээччи
6. Кириллина Александра Михайловна — этнопедагог
Улуустааҕы үөрэх управлениетыттан Винокурова И.Г., Капрынова А.С., Филиппова Т.Ю., Илларионов уонна ыаллыы сытар Хайахсыт орто оскуолатын директора Борисов Ф.И., уһуйаантан Илларионова М.Е., учууталлар уонна нэһилиэк олохтоохторо кыттыыны ыллылар.
Форум кыттыылаахтара «Киһи экодухуобунай сайдыытын үктэллэрэ» диэн Иоган Егорович Максимов кылгас иһиттилэр. Манна сүрүн санаа — үүнэр көлүөнэ атын, саҥалыы экодухуобунай көрүүлээх, өйдөөх- санаалаах дьон үүнэн тахсалларын туһугар бу үөрэҕи оскуола бырагырааматыгар хайдах киллэрэри толкуйдааһын.
Күн иккис аҥарыгар форум кыттыылаахтара «Ыал барҕата», «Кут Дабаан», «Айыы үөрэҕэ», «Эр хоһуун» 4 секциянан арахсан үлэлээтилэр. Форум түмүгүнэн санаа атастаһыыта тэрилиннэ, сүбэ- соргу ылылынна.
