Нэһилиэккэ доруобуйа күнэ
Муус устар 17 күнүгэр нэһилиэккэ Доруобуйа күнэ ыытылынна. Бу тэрээһиҥҥэ хаалыктаах хаамыы, ону тэҥэ оскуола оҕолоругар, төрөппүттэригэр хайыһар, шорт — трек күрэхтэрэ буоллулар. Хааамыыга кыттааччы ахсаана нэһилиэктэр икки ардыларынааҕы спартакиадаҕа киирсэр. Барыта 83 киһи кыттыыны ылла. Саамай кырдьаҕас кыттааччынан 87 саастаах Карпов Михаил Лазаревич буолла.
Ону тэҥэ оскуола оҕолоругар шорт- трек, оҕолор, төрөппүттэр кыттыылаах хайыһар күрэхтэрэ ыытыллан дьону сэргэхситтэ. Бу күрэхтэри оскуола физкультура учууталлара Николаева А.К., Адамов С.К. көҕүлээн- тэрийэн ыыттылар. Быйылгы үөрэх дьылын оскуола оҕолоро спортка элбэх ситиһиилэрдээх түмүктээн эрэллэрэ учууталлар дьаныардаах үлэлэрэ буолар.
Өссө да ситиһиилэр кэлэ турдуннар!
