Библионочь — 2024
Муус устар 20 күнүгэр олохтоох библиотекаҕа Россия үрдүнэн ыытыллар «Библионочь — 2024» акцияҕа оскуола орто сүһүөх оҕолоро, ыалдьыттар, барыта 15 киһи кыттыыны ылла. Оҕолор, ыалдьыттар 6 хамаандаҕа арахсан күрэхтэстилэр. Күрэхтэһээччилэр үбүлүөйдээх поэт Г.И.Макаров — Дьуон Дьаҥалы хоһооннорун, , норуодунай суруйааччы С.А.Попов — Сэмэн Тумат «Улуу кыыл тыына» сэһэниттэн быһа тардыыны аахтылар, иһиттилэр,ырытыстылар. Ону таһынан саха литературатын, сахалыы сурук — бичик туһунан ыйытыктарга эппиэттээтилэр, таабырыннары таайдылар. Кыайыылаахтар, кыттыбыттар С.С.Яковлев — Эрилик Эристиин «Бөтүҥнэр» диэн кинигэтинэн наҕараадаланнылар.
Ол кэннэ бэйэбит оҕобут, СВФУ 4 куурсун устудьуона, спорт маастара Михайлов Кэскил хабылыкка, хаамыскаҕа маастар — кылаас көрдөрөн оҕолору, ыалдьыттары сөхтөрдө.
Түмүгэр библиоОлимпиада кыайыылаахтарыгар Грамоталар, кыттыбыттарга сертификаттар туттарылыннылар.
